STEPS DANCECENTER er listdansskóli á Akureyri sem hóf starfsemi sína 1. september 2014. Eigandi skólans er Guðrún Huld Gunnarsdóttir og við skólann starfa 12 danskennarar.

​

Boðið er upp á metnaðarfullt og jákvætt listdansnám fyrir öll kyn frá 2ja ára aldri.

​

Hjá STEPS DANCECENTER er jazzballett undirstaða dansnámsins, en einnig er unnið með fjölbreytta dansstíla eins og Lyrical, Commercial, Contemporary og fleira.

​

Einnig er í boði að æfa Commercial, Musical Theatre, Stepp, Tækni & Trix og Söngleikjadeild STEPS. Í söngleikjadeildinni er unnið með leik, söng og dans og fá nemendur tækifæri til að þróa sviðsframkomu, tjáningu og sjálfstraust í skapandi og skemmtilegu umhverfi.

​

Í danstímum er unnið með balletttækni sem eykur styrk, liðleika og gefur alhliða líkamsþjálfun. Einnig er kennd framkoma á sviði og tjáning.

​

Dansar eru fjölbreyttir þar sem flóra tónlistarinnar fær að njóta sín, sem og tjáning hvers dansara. Jazzballettnám er vinsælt og fjölbreytt dansnám sem hentar öllum, hvort sem markmiðið er að stunda dans sér til ánægju eða ná lengra í dansinum.

​

Námið er tómstundamiðað og við allra hæfi.

​

Við höfum keppt á heimsmeistaramóti Dance World Cup síðan 2019 og náðum þeim frábæra árangri að verða HEIMSMEISTARAR Í JAZZ OG 3. SÆTI Í CONTEMPORARY ÁRIÐ 2021.